الجمعة، 24 مارس 2017

أفضل خمس تطبيقات تستخدم اعقدعمليات التشفير لحماية المراسلات


نتكلم اليوم عن حماية المراسلات النصية والصوتية ومكالمات الفيديو من خلال استعراض أفضل واقوى تطبيقات التراسل. 



الموضوع راح يكون موجة لفئتين الاولى وهي الفئة الاهم وهم الاشخاص الموجودين بمناطق النزاع والحروب مثل قطاع غزة، سوريا، العراق، اليمن، ليبيا، النشطاء بمنظمات حقوق الانسان، الصحافيين .... الخ.


والفئة الثانية الناس الي لما تحكيلهم لا تستخدم فيس بوك ولا واتساب ولا انستقرام ولا تويتر ولا اي خدمة امريكية في دردشاتك الخاصة والحساسة بتلاقية تشنج وصار يسب عليك ويحكيلك "شو استخدم طيب انتا ما خليت اشي"، لا صديقي انت ما خليت المجال لنفسك لحتى اتفكر كيف تم احتلالك فكريا وتسويق منتجات ئلك بدون ما تحس وخلوك تحس انوا اصلا ما في غير هاي الخدمات.


اول اشي موضوع تسويق المنتجات الرقمية الامريكية امر مش جديد بالعكس هلأمر مرافقك من صغرك، لازم تعرف انو في المئات من التطبيقات الموجودة لتستخدمهم بتراسل وتطبيقات بتقدر تسميها فعلا تطبيقات محمية وعالية الخصوصية والموثوقية. ولاكن ضخ المنتجات الامريكية بشكل ضخم عملك احتلال فكري واثر على قرارتك وخلاك تعتقد انوا ما في بهدنيا غير فيس بوك او ويندوز او واتساب .... ألخ


راح نستعرض بهاد المنشور اسماء بعض التطبيقات عالية التشفير وموضوع خصوصية الـ "User" بنسبة لهاي الشركات اشي كثير مهم ومش بس هيك في محاكم ولجان رقابية بتشرف عليها وعلى صحتها يعني بأختصار فش مجال للف ودوران زي "Whatsapp" ..








تطبيق Signal

اول تطبيق الي يمكن اغلبيتكم بعرفو هو تطبيق "Signal" الي قامت بتطويرة شركة "whisper systems" وطبعا هاي الشركة تابعه لنشطاء في مجال الخصوصية وأمن المعلومات والحفاظ على حقوق المستخدمين في الانترنت، واذا كان سؤالك ليش تختار "Signal" --> اول اشي عندك كبار خبراء امن المعلومات مدحو بكفائة التطبيق وجودة التطبيق وعلى رأسهم "Edward Snowden"، ثاني اشي في شخص اسمو "Moxie Marlinspike" وهزلمة لحالوا اسمو ماركة عالمية وعندوا انجازات ضخمة في مجال التشفير والبروتوكلات وشفر اجزاء من تويتر وساعد بتطوير الكثير من خدمات قوقل وفيس بوك وهو الي طور تشفير "Signal Protocol " الي "حكت" "واتساب" انها بتستخدمو :/ 
اهم مواصفات التطبيق 
1- التطبيق بستخدم إتصالات آمنة ومشفرة بتشفير ZRTP الغير قابل للتجسس.
2- التطبيق مفتوح المصدر, وهاي لحالها علامة ثقة كبيرة بتنحسب لتطبيق.
3-التطبيق متاح لأنظمة:

اندرويد :https://goo.gl/Y0pFr 
وايفون :https://goo.gl/nnq1rK


برنامج Wickr: 


البرنامج بدعم المراسلات النصية بتقدر تعمل قروبات بتقدر تحكي بصوت "VOIP" بتقدر تشارك ملفات او صور او فيديو.
بس نحكي عن هدا البرنامج بنحكي عن " Peer-to-Peer Secure Communications." يعني الرسائل مشفره ومحمية من المرسل للمستقبل، والبرنامج بسعى بكل الطرق الممكنة لجعلك مجهول الهوية ورسائلك مخفية بشكل كامل من خلال انو كل رسالة ئلها مفتاح تشفير خاص فيها وبعد وصول الرسالة وفك تشفيرها ببتم حذف مفتاح التشفير الخاص فيها لضمان عدم الوصول ئلو، بقومو على تشفير مفاتيح التشفير من خلال "ECDHE"، ما بحملو معلومات جهازك الفريدة "UDID "Unique Device Identifie على خوادمهم لحتى تضل "anonymous" قدر الامكان، وبلاضافة لهيك امكانية الحذف الامن للبيانات "Secure Shredde" يعني مراسلاتك بحالة حذفتها برامج استرجاع البيانات مش راح تقدر توصللها وترجعهاـ وايضا يتيح للمستخدمين تحديد مؤقت زمني للرسائل، وبعد انقضاء المدة المحددة للرسائل، يتم حذف الرسائل لدى كلا الطرفين دون ترك أي أثر لهذه المحادثات
البرنامج بدعم كلا من : "Windows" - "MAC" - "ANDROID" - "IOS "LINUX

كل الروابط موجودة هون: https://goo.gl/jKmnFs


تطبيق Sicher : 


التطبيق من تطوير شركة SHAPE الألمانية والشركة ما بتجمع احصائيات عن استخدام التطبيق وما بتستخدم أية محركات اعلانات، وغير هيك التطبيق جاء كرد على التجسس الأمريكي الي قامة فيه الـ NSA على ألمانيا الي بدأ من مستشارتها ميركل الى أصغر مواطن، الامر الي عمل توتر كبير في العلاقات الدبلوماسية بين البلدين.
التطبيق بستخدم التشفير بشكل أساسي وبحمي الخصوصية، وفية بعض الميزات مثلو مثل اي تطبيق تواصل بوفر خدمة التراسل النصي والصور والفيديو وأيضاً بتقدر تعمل مجموعات.
والتشفير في التطبيق على مستوى المستخدم النهائي وما في امكانية لتنفيذ هجمة "MITM" (رجل في المنتصف).
التطبيق بدعم كلا من

أيفون https://goo.gl/GDYPwC
أندرويد https://goo.gl/wvAghU
ويندوز فون https://goo.gl/ZbW0ah


خدمات FaceTime 

لأجهزة آبل:يفضل استخدام خدمة الفيس تايم للمراسلات الصوتية أو الفيديو ( FaceTime Audio/ FaceTime Video ) لانها آمنة ومشفرة "end to end encryption" وطبعا بننصح فيها بشكل عام للجميع لصحافيين او لسياسيين او الاشخاص العادين بدل استخدام شبكات الـ GSM المراقبة في الغالب والمليئة بثغرات الامنية في بروتوكولها SS7 الي حكينا عنو بثلاث حلقات على قناتنا في اليوتيوب     "اب ديت - Update" وطبعا هتطبيق استخدمو الرئيس التركي "أردوغان" لتواصل مع الشعب اثناء فترة الانقلاب الي صارت، ويعتبر الفيس تايم آمن ومشفر بحيث لا تستطيع شركات الإتصالات والإنترنت وأجهزة الأمن مراقبته،والمهم اكثر انو شركة آبل وضحت بدليل ( قواعد التعامل مع قوى تنفيذ القانون ) أنها لا تستطيع تزويد القضاء الأمريكي بمحتوى المكالمات او المحادثات لأنها لا تمتلك سلطة عليها.


تطبيق وخدمات شركة Silent Circle 

الآمنة والمشفرة بشكل عالي، طبعا هشركة رائعة جدا لانها بتقوم على بيع هواتف بتعمل بنظام اندرويد ولاكن هواتف محمية ومراسلاتها مشفره مثل هاتف "Blackphone، بلاضافة لهيك تصميمها لتطبيق "Silent Phone" الي بقوم على توفير خدمات صوت مشفرة"encrypted voice" وبقوم بحماية المراسلات من الطرف لطرف "encrypted end-to-end protecting"، طبعا لازم يكون التطبيق موجود عند الطرفين ومتوفر لانظمة ايفون و اندرويد بس للاسف التطبيق بطلب اشتراك شهري.
الروابط:
https://www.silentcircle.com/


بنهاية لازم تعرف انوا في مئات الخدمات افضل من الخدمات الي انت عم تستخدمها حاليا

ليست هناك تعليقات:

إرسال تعليق