الجمعة، 8 يونيو 2018

الفرق بين تخصصي علم الحاسوب وهندسة البرمجيات.


سؤال بتكرر كثيرا بخصوص أختيار التخصصات الجامعية بمجال تكنلوجيات المعلومات "IT" وهسؤال بكثر أيضا عند التخصصات الي بتمتلك أسماء متشابهه والي بعتقد السامع انها متشابهه بالمهام والدراسة وسوق العمل، وهالاشي خاطئ تمامً لهيك من خلال هاي التدوينه راح أوضح الفرق ما بين تخصصين علم الحاسوب وهندسة البرمجيات.

تخصص علم الحاسوب:

هو تخصص أشمل بشكل كبير من الناحية العملية والعلمية في مجال الحاسوب، فطالب علم الحاسوب بدرس كثير مواد علمية بتدخل في صلب المجال العملي مثل:
  1. مواد الذكاء الاصطناعي، 
  2. تصميم المنطق الرقمي،
  3. تنظيم وعمارة الحاسوب، 
  4. تنظيم وعمارة الحاسوب المتقدم، 
  5. شبكات الحاسوب، 
  6. الشبكات اللاسلكية، 
  7. أنظمة التشغيل، 
  8. بناء المترجمات، 
  9. مقدمة بقواعد البيانات، 
  10. قواعد بيانات متقدمة، 
  11. التفاعل بين الانسان والحاسوب، 
  12. أمن المعلومات، 
  13. معالجة الصور الرقمية، 
بالاضافة الى اكثر من خمس مواد بلغات البرمجة الي بتعلمها الطالب طوال فترة الدراسة وبتلاحظ من المواد المذكورة انو كل هاي المواد بتجهز الطالب ليختار وحده منهم ويستزيد من المعارف حول هاي المادة لينطلق فيها لسوق العمل، لأنو ببساطة مستحيل تلاقي شخص ضليع بكل هاي المواد ومتقنها ولما حكيت يختار مادة منهم ويستزيد لحتى يتجهز لسوق العمل كلامي كان يعني بكل دقة انو الجامعه هي مرحلة لحتى تفهم شو في مجالات بتخصصك الرئيسي وبتعطيك نبذات بسيطة عنو لحتى انت بعدها تختار وتكمل، باختصار لو دخلت الجامعه وكل فكرك انك راح تطلع محترف برمجة او شبكات او امن معلومات انت غلطان الجامعه مرحلة بتوسع فيها مداركك واستيعابك لتخصص ومجالة بس.

تخصص هندسة البرمجيات:

هو تخصص وظيفته الاساسية يجهز طلاب لقيادة وادارة والاشراف على تطوير البرمجيات، يعني التخصص بأهلك لتكون مشرف على عمل المبرمج او المطور وانك تدير عملية التطوير وتكون ضامن ومتأكد انو هاي العملية بتستمر وبتسير بالاتجاه الصحيح وان البرنامج الي بتم تطويرة بلبي حاجات العميل الي انت من وضائقك كمهندس برمجيات تتفاعل معو بشكل مباشر .. اها بزبط مهندس البرمجيات هو المسؤول الاول والاخير بتعامل مع العملاء واخذ المتطلبات منهم وصياغتها وفهمها بشكل صحيح ونقلها لطلاب علم الحاسوب يعني مهندس البرمجيات هو حلقة الوصل بين المبرمج والعميل .. بما يعني مهندس البرمجيات خلال دراستة بتعلم يستخدم ادوات بتأهلو وبتزيد مهارتنه بتواصل ما بين المبرمج والعميل وابرز هاي الادوات هي لغة الـ UML الي بتقدر من خلال تعلم أستخدام النماذج الي فيها تبسط الانظمة المعقدة وتبني لغة للحوار بينك وبين العميل وبينك وبين المبرمج لأنو الرسم ببسبط فكرة المشروع وببين في التفاعلات في النظام والشروط كل هاي الامور مهندس البرمجيات بقدر يمثلها من خلال نماذج بتعلمها بلغة الـ UML، واغلب المواد الي بتعلمها مهندس البرمجيات هي كالاتي :
  1. مقدمة لهندسة البرمجيات، 
  2. صيانة البرمجيات، 
  3. هندسة النظم، نمذجة، 
  4. تحليل انظمة المعلومات وتصميمها، 
  5. جودة البرمجيات، 
  6. توثيق البرمجيات، 
  7. بنية البرمجيات، 
  8. أدارة مشاريع البرمجيات، 
  9. تصميم مواقع الانترنت، 
  10. شبكات الحاسوب 
  11. تصميم المنطق الرقمي، 
  12. نظم التشغيل. 
وهتخصص مثلة مثل باقي التخصصات الجامعيه لازم تختار مادة وانت تكمل فيها مسيرة حياتك العملية فهاد التخصص ما بقتصر على الاشياء الي ذكرتها فمثلا ممكن تختار انك تتعامل مع الانظمة الموجودة وتحاول تعمللها صيانه وتزيد من كقائتها فأنت هون بتختار انك تدرس صيانة البرمجيات، وعلى هالمقياس قيس وكمل

هناك تعليقان (2):

  1. شكرا لك لقد إستتفدت من هذا الشرح
    ولاكن في نظرك أنت من الأفضل بين التخصصين

    ردحذف
  2. Gooooodشكرا لك الله يوفقك

    ردحذف